Fılmde Qazaqstan oqý-aǵartý salasynyń ǵulamasy Shamǵalı Sarybaevtyń jarqyn beınesi kórsetilip, qazaq tilin oqytý ádistemesiniń úzdik bastamashysy retinde elimizdiń rýhanııaty men mádenıetine qosqan zor úlesi men ǵylymı-ustazdyq eren eńbegi baıandalady.
Derekti fılmniń aldynda Qurmanǵazy atyndaǵy Ulttyq konservatorııanyń rektory Arman Jódebaev jáne Qazaqstan Respýblıkasynyń Ulttyq Ǵylym akademııasynyń akademıgi Murat Jurynuly Jurynov sóz sóıleıdi.
Sh.H.Sarybaev áýletinen shyqqan belgili tulǵalarǵa arnalǵan estelik taqtanyń ashylýy ótedi. Olardyń ishinde: qazaq tili biliminiń shyraqshysy, QR Ulttyq Ǵylym Akademııasynyń akademıgi, professor Shora Shamǵalıuly Sarybaev; qazaq ulttyq mýzyka aspaptarynyń zertteýshici, jınaqtaýshy ári nasıhattaýshysy, Qazaq Ulttyq konservatorııasynyń professory Bolat Shamǵalıuly Sarybaev; qazaq mýzykasynyń beldi ókili, tanymal sazger jáne zertteýshi Talǵat Bolatuly Sarybaev bar.
Eskertkish taqtanyń ashylý rásimine qatysýshylardyń arasynda Almaty qalasy ákimi Erbolat Asqarbekuly Dosaev, Aqparat jáne qoǵamdyq damý mınıstri Darhan Qýandyquly Qydyráli, Qazaqstannyń halyq ártisi Roza Rymbaeva jáne zııaly qaýym ókilderi bolady.
